Qo'llanma

To'liq qo'llanma

Botning har bir bo'limi nima qilishini va qanday ishlatishni shu yerdan bilib olasiz.

Boshlash

1

Botga /start yuboring va qoidalarga rozilik bildiring.

2

Til va valyutani tanlang — keyin «Hisobim → Sozlamalar» dan o'zgartirasiz.

3

Kanallarga obuna bo'ling va telefon raqamingizni tugma orqali yuboring.

4

Hisobni to'ldiring va birinchi buyurtmangizni bering.

Xizmatlar

Menyu bo'limlari

Buyurtma berish

Bo'limni tanlaysiz: Biznes egalari uchun xizmatlar (yo'nalish → mutaxassis → ariza), Onlayn reklama: blogerlar, Telegram Premium va Stars, sovg'alar va NFT, o'yinlarga donat, Ommabop xizmatlar.

Nomer olish

Davlatni tanlaysiz, raqam darhol beriladi. Kod kelmasa pul avtomatik qaytadi.

Buyurtmalarim

Barcha buyurtmalar jonli holati bilan. Raqam bo'yicha qidirish va qayta to'ldirish shu yerda.

Hisobim

Balans, statistika, chegirma paketlari va Sozlamalar — til hamda valyutani shu yerdan o'zgartirasiz.

Hisobni to'ldirish

Click, Payme, Uzum yoki karta. Avtomatik to'lovda summani aynan ko'rsatilganidek yuboring. Agentlar avval «Bot balansi» yoki «Agent depoziti»ni tanlaydi.

Pul ishlash

Do'st taklif qilish (referal havola), promokod va «Shaxsiy bot yaratish».

Biznes egalari uchun xizmatlar

Yo'nalish → mutaxassis (reyting, bajarilgan ishlar, portfolio) → ariza: vazifa, muddat, byudjet, namuna. Agent narx taklif qiladi, siz «Roziman» deysiz — kontaktlar almashadi. Ish topshirilgach «Ha, bajarildi» yoki «Muammo bor»; keyin 1–5 baho va sharh.

Onlayn reklama: blogerlar

Blogerlar yoki UGC ijodkorlarini yo'nalish, shahar va obunachilar bo'yicha saralang, so'rov yuboring. Bloger qabul qilsa — kontaktlar almashadi. Kuniga 3 ta faol so'rov, bitta blogerga 7 kunda bir marta.

Web ilovalar

Web ilovalar

NFT Gift

Fragment'dagi NFT sovg'alar katalogi. Sovg'ani tanlab, oluvchining foydalanuvchi nomini kiritasiz — qolganini tizim qiladi. Narx jonli TON kursi bo'yicha so'mda ko'rsatiladi.

O'yinlarga Donat

O'yin va paketni tanlaysiz, o'yinchi ID sini kiritasiz. «Tekshirish» tugmasi ID to'g'riligini oldindan tasdiqlaydi. Vaucherlar bo'limida tayyor kodlar sotiladi.

Ikkala ilova ham botdagi til va valyutangizni o'zi oladi. Ilova ichidagi «Sozlamalar» dan o'zgartirsangiz, botda ham o'zgaradi.

To'lov

To'lov va pul qaytarish

Hisobni to'ldirish

  1. «Hisobni to'ldirish» → to'lov usulini tanlang.
  2. Summani kiriting — karta raqami va aniq summa chiqadi.
  3. Avtomatik usulda: summani aynan ko'rsatilganidek yuboring, balans o'zi to'ladi.
  4. Qo'lda usulda: to'lovdan so'ng chek rasmini botga yuboring, admin 5–30 daqiqada tasdiqlaydi.
  5. Bonus foizi bo'lsa, u tasdiqlash paytida avtomatik qo'shiladi.

Pul qachon qaytariladi

  • Ta'minotchi buyurtmani bekor qilsa — summa to'liq qaytadi.
  • Virtual raqamga belgilangan vaqt ichida kod kelmasa — summa to'liq qaytadi.
  • NFT yoki donat buyurtmasi bajarilmasa — summa avtomatik qaytadi.
  • Havola yopiq bo'lgani yoki o'yinchi ID xato bo'lgani uchun bajarilmagan buyurtma qaytarilmaydi.
  • Balansdagi pul naqd qaytarilmaydi — u faqat bot xizmatlariga sarflanadi.
Savol-javob

Nima qilish kerak, agar…

Buyurtma uzoq vaqt «Jarayonda» turibdi

Bu normal: ba'zi xizmatlar bir necha soat oladi. Holat har uch daqiqada o'zi yangilanadi. Bir kundan oshsa — «Buyurtmalarim» dan buyurtma raqamini olib, yordam xizmatiga yozing.

To'lov qildim, balans to'lmadi

Avtomatik to'lovda summa aynan ko'rsatilganidek bo'lishi kerak. Boshqa summa yuborilgan bo'lsa, chek rasmini yordam xizmatiga yuboring — qo'lda kiritiladi.

Raqamga kod kelmayapti

«Kodni tekshirish» tugmasini bir necha marta bosib ko'ring. Belgilangan vaqt ichida kod kelmasa, pul avtomatik qaytariladi — hech narsa qilishingiz shart emas.

Donat noto'g'ri ID ga ketdi

Afsuski, donat o'yin serveriga yuborilgach qaytarib bo'lmaydi. Shuning uchun buyurtmadan oldin ilovadagi «Tekshirish» tugmasi bilan ID ni tasdiqlang — u o'yinchi nomini ko'rsatadi.

Web ilova ochilmayapti

Ilova faqat Telegram ichida ishlaydi. Telegram ilovasini yangilang va botdagi tugma orqali qaytadan oching. «Sessiya eskirdi» yozuvi chiqsa — oynani yopib, tugmani qayta bosing.

Savolingizga javob topmadingizmi?

Botdagi «Qo'llanma» bo'limida qisqa javoblar bor, yordam xizmati esa har doim aloqada.