Qoidalar

Botdan foydalanish qoidalari

Botda ro'yxatdan o'tishdan oldin quyidagi qoidalar bilan tanishib chiqing. Botdagi «Roziman» tugmasini bosish — shu qoidalarga to'liq rozilik bildirganingizni anglatadi.

1. Umumiy shartlar

  1. Bot 18 yoshdan oshgan va shartlarga rozi bo'lgan foydalanuvchilar uchun.
  2. Bir odam bitta hisob bilan ishlaydi. Ikkinchi hisob ochish, soxta referal yig'ish va bonuslarni suiiste'mol qilish — barcha hisoblar bloklanadi.
  3. Telefon raqamingizni so'ralganda faqat o'zingiznikini yuboring — raqam hisobingizni tasdiqlash, sovg'alar va referal mukofotlari uchun ishlatiladi.
  4. Bot xizmatlari: ijtimoiy tarmoq targ'iboti (obunachi, layk, ko'rish, reaksiya va boshqalar), virtual raqamlar, Telegram Premium, Stars va sovg'alar, o'yin donati, xorijiy obunalar va sovg'a kartalari, sayohat eSIM, talabalar uchun AI xizmatlari, biznes egalari uchun xizmatlar va blogerlar bilan reklama. Qonunga zid maqsadda foydalanish taqiqlanadi.
  5. Qoidalarga rozilik bildirib, foydalanuvchi botdan buyurtmalar, aksiyalar va yangiliklar haqida xabarlar olishga rozi bo'ladi.

2. Buyurtma berish

  1. Buyurtma berishdan oldin xizmat tavsifi, minimal va maksimal miqdori bilan tanishing.
  2. Havola ochiq bo'lishi shart: yopiq profil, kanal yoki post uchun buyurtma bajarilmaydi va pul qaytarilmaydi.
  3. Buyurtma jarayonida havolani o'zgartirish, profilni yopish yoki postni o'chirish — buyurtma bajarilgan hisoblanadi, pul qaytarilmaydi.
  4. Bir xil havolaga bir vaqtning o'zida bir nechta bir xil buyurtma bermang: oldingisi tugaguncha kuting, aks holda hisob-kitob noto'g'ri chiqadi.
  5. Narxi 1000 dona uchun ko'rsatilgan xizmatlarda miqdorni o'zingiz kiritasiz. Paket xizmatlarda narx 1 dona uchun bo'lib, miqdor so'ralmaydi.
  6. Ko'rsatilgan bajarilish vaqti taxminiy — tarmoq yuklamasiga qarab o'zgarishi mumkin.

3. To'lov va pul qaytarish

  1. Hisob faqat botda ko'rsatilgan usullar bilan to'ldiriladi. Boshqa rekvizitga yuborilgan pul uchun bot javobgar emas.
  2. Summani aynan ko'rsatilganidek yuboring — avtomatik to'lov summa bo'yicha aniqlanadi.
  3. Balansdagi pul bot xizmatlari uchun oldindan to'lov bo'lib, naqd pulga almashtirilmaydi va boshqa kartaga o'tkazilmaydi. Foydalanilmagan mablag' faqat ommaviy ofertadagi tartibda — ariza asosida, to'lov qilingan kartaga qaytarilishi mumkin; bonuslar qaytarilmaydi.
  4. Ta'minotchi buyurtmani qabul qilmasa yoki bekor qilsa, pul avtomatik balansingizga qaytariladi.
  5. Virtual raqamga 20 daqiqa ichida kod kelmasa, pul avtomatik qaytariladi. Kod kelgan raqam uchun pul qaytarilmaydi.
  6. Chegirma paketlari sotib olingach qaytarilmaydi; yangi paket eskisini almashtiradi.
  7. Narxlar so'mda belgilanadi. Dollar va rublda ko'rsatilgan summa joriy kurs bo'yicha hisoblanadi va kurs o'zgarsa o'zgaradi.

4. Bonuslar va pul ishlash

  1. Referal qachon hisoblanadi: do'stingiz havolangiz orqali botga kirib, qoidalarga rozilik bildirsa va o'z telefon raqamini tasdiqlasa. Shu ikki shart bajarilmaguncha referal hisoblanmaydi. Botda avval ro'yxatdan o'tgan foydalanuvchi referal bo'lmaydi; bitta telefon raqami faqat bir marta referal bo'ladi.
  2. Referal mukofoti: oldindan bonus berilmaydi. Referal hisoblangan kundan boshlab 30 kun davomida do'stingiz balansga tushirgan har bir to'lovning 2% i balansingizga avtomatik tushadi.
  3. Mukofot faqat haqiqiy to'lovlardan hisoblanadi. Bonuslar, sovg'alar, referal mukofotlari va administrator qo'shgan summalar hisoblanmaydi.
  4. Do'stingiz to'lovi bekor qilinsa yoki pul qaytarilsa, unga tegishli mukofot balansingizdan qaytarib olinadi.
  5. Referal konkurslari: shartlar, muddat va sovrinlar botda va rasmiy kanalda e'lon qilinadi. Reyting konkurs davomida taklif qilingan va kamida bir marta balansini to'ldirgan do'stlar soni bo'yicha hisoblanadi. G'oliblar administrator tekshiruvidan keyin aniqlanadi.
  6. Promokod: bitta kodni bir foydalanuvchi faqat bir marta ishlatadi.
  7. O'zini o'zi taklif qilish, soxta hisoblar, avtomatlashtirilgan skriptlar yoki aldov yo'li bilan olingan mukofotlar bekor qilinadi, hisob konkursdan chetlatiladi va bloklanishi mumkin.

5. Web ilovalar (NFT va Donat)

  1. Ilovalar bot hisobingiz bilan ishlaydi: balans, til va valyuta umumiy.
  2. NFT Gift: sovg'a Fragment'dan sotib olinadi va siz ko'rsatgan foydalanuvchiga yuboriladi. Foydalanuvchi nomini tekshirib yuboring — noto'g'ri nom uchun javobgarlik xaridorda.
  3. O'yinlarga Donat: donat siz kiritgan o'yinchi ID siga tushadi. ID xato bo'lsa donat boshqa o'yinchiga ketadi va qaytarilmaydi — shuning uchun ID ni ilovadagi «Tekshirish» tugmasi bilan tasdiqlang.
  4. Ilova buyurtmani bajara olmasa, summa avtomatik balansingizga qaytariladi.
  5. Vaucher kodlari bir marta beriladi — ularni saqlab qo'ying.

6. Taqiqlanadi

  • Botni, adminlarni yoki boshqa foydalanuvchilarni aldashga urinish.
  • Spam, haqoratli yoki qonunga zid kontentga buyurtma berish.
  • Bot nomidan boshqalarga xabar yuborish yoki bot xizmatlarini soxtalashtirish.
  • Texnik nosozlikdan foydalanib balansni noqonuniy oshirish — topilgan summa yechiladi va hisob bloklanadi.

7. Hamkorlik (API)

Bot o'zi API tarqatmaydi. Hamkorlik uchun rasmiy API saytimiz — bargainsmm.com.

8. Spamga qarshi choralar

  • Bir foydalanuvchi kuniga ko'pi bilan 3 ta faol reklama so'rovi yubora oladi; bitta blogerga 7 kunda bir marta.
  • Bitta agentga javob kutilayotgan bir vaqtda faqat bitta ariza yuboriladi.
  • Bloger yoki agent so'rov ostidagi «Shikoyat qilish» tugmasi orqali administratorga murojaat qilishi mumkin.
  • Spam, haqorat, soxta so'rovlar yoki bot tashqarisida komissiyadan qochishga urinish — so'rov yuborish imkoniyati cheklanadi yoki hisob bloklanadi.

9. Xorijiy obunalar

  1. Obunalar va sovg'a kartalari rasmiy distribyutorlar orqali sovg'a kodi shaklida sotiladi.
  2. Kod faqat tanlangan hududdagi akkauntda ishlaydi; foydalanuvchi hududni o'zi tekshiradi. Hudud mos kelmagani sababli ishlamagan kod uchun pul qaytarilmaydi.
  3. Ayrim obunalar (jumladan, AI ilovalari) Apple yoki Google Play kodi orqali beriladi: kod hisobga qo'shiladi va obuna ilova ichidan sotib olinadi.
  4. Platforma hech qachon login va parolingizni so'ramaydi va akkauntingizga kirmaydi.
  5. Faollashtirilgan yoki ko'rsatilgan kod qaytarilmaydi.
  6. Kod noto'g'ri yoki avval ishlatilgan bo'lsa, 24 soat ichida skrinshot bilan murojaat qiling — tekshiruvdan keyin kod almashtirib beriladi yoki pul qaytariladi.
  7. Avtomatik rejimda kod berilmasa, pul avtomatik qaytadi. Qo'lda rejimda kod 24 soat ichida yuborilmasa, pul avtomatik qaytadi.
  8. Narxlar distribyutor narxi va kursga bog'liq va o'zgarishi mumkin.
  9. Xizmat egasi (Apple, Google, Spotify, Netflix, Sony va boshqalar) akkauntni cheklasa yoki shartlarni o'zgartirsa, platforma javobgar emas.
  10. «Tez orada» belgisi qo'yilgan xizmatlar hali sotuvda emas.

10. Shaxsiy ma'lumotlar

  1. Platforma quyidagi ma'lumotlarni yig'adi: Telegram ID va foydalanuvchi nomi, telefon raqami, Instagram foydalanuvchi nomi, buyurtmalar va to'lovlar tarixi, aksiyalar uchun yuborilgan skrinshotlar, AI xizmatlari uchun yuklangan fayllar.
  2. Ma'lumotlar faqat xizmat ko'rsatish, to'lovlarni hisoblash, aldovning oldini olish va qo'llab-quvvatlash uchun ishlatiladi.
  3. Skrinshotlar va AI buyurtmalari tekshirish va tayyorlash uchun uchinchi tomon sun'iy intellekt xizmatlari orqali qayta ishlanadi.
  4. Ma'lumotlar uchinchi shaxslarga sotilmaydi. Ular faqat xizmatni bajarish uchun zarur hamkorlarga (to'lov tizimlari, ta'minotchilar) yoki qonunda belgilangan hollarda beriladi.
  5. AI fayllari 30 kundan keyin o'chiriladi; boshqa ma'lumotlar hisob faol bo'lgan davrda va qonunda belgilangan muddatda saqlanadi.
  6. Foydalanuvchi yordam xizmati orqali o'z ma'lumotlarini o'chirishni so'rashi mumkin; bunda hisob yopiladi.

11. Javobgarlik, bloklash va nizolar

  1. Bot Telegram, Instagram, YouTube, TikTok, Apple, Google va boshqa platformalar bilan rasmiy bog'liq emas; ularning tovar belgilari egalariga tegishli.
  2. Uchinchi tomon platformalari foydalanuvchi akkauntini cheklasa yoki o'chirsa, platforma javobgar emas.
  3. Platforma texnik nosozliklar, ta'minotchilar ishidagi uzilishlar va fors-major holatlari (tabiiy ofat, aloqa uzilishi, davlat organlari qarori) uchun javobgar emas, lekin bajarilmagan buyurtmalar puli qoidalarga ko'ra qaytariladi.
  4. Platformaning javobgarligi muayyan buyurtma uchun to'langan summadan oshmaydi.
  5. Aldov, qoidalarni qo'pol buzish yoki boshqa foydalanuvchilarga zarar yetkazish uchun bloklangan hisobdagi bonuslar bekor qilinadi; aldov yo'li bilan olingan mablag' yechiladi.
  6. Nizolar avval yordam xizmati (@uzshff) orqali hal qilinadi. Kelishuvga erishilmasa, nizo O'zbekiston Respublikasi qonunchiligiga muvofiq ko'rib chiqiladi.

12. Biznes egalari uchun xizmatlar

"Biznes egalari uchun xizmatlar" bo'limida bot mijozlarni mustaqil ijrochilar (agentlar) va hamkor kompaniyalar bilan bog'laydi. Xizmatni agent bajaradi, bot esa vositachi sifatida buyurtma, muloqot va baholash jarayonini ta'minlaydi. Xizmatning narxi, muddati va hajmi mijoz bilan agent o'rtasida bot ichidagi chatda kelishiladi. Mijoz to'lovni kelishilgan tartibda bevosita agentga amalga oshiradi. Bu bo'limdagi buyurtmalarga botdagi chegirmalar va sodiqlik dasturi qo'llanmaydi.

13. Agent depoziti va komissiya

Agent har bir buyurtma uchun komissiya to'laydi. Komissiya kelishilgan narxning, kelishuv bo'lmasa, botda ko'rsatilgan narxning 10–15% ini tashkil qiladi va buyurtma qabul qilinganda agentning bot ichidagi depozitidan avtomatik yechiladi. Depozit faqat bank kartasi orqali avtomatik to'lov bilan to'ldiriladi. Depozitda mablag' bo'lmasa, agent profili mijozlarga ko'rsatilmaydi. Alohida shartnoma asosida ishlaydigan hamkor kompaniyalar uchun komissiya tartibi shartnomada belgilanadi. Kelishilgan narxni yashirish yoki kamaytirib ko'rsatish qoidabuzarlik hisoblanadi.

14. Agent komissiyasini kechiktirib to'lash

Agent depozitida komissiya uchun mablag' yetarli bo'lmasa, u buyurtmani "Buyurtmani yakunlash jarayonida to'layman" sharti bilan qabul qilishi mumkin. Bunda yetmagan komissiya agentning qarzi hisoblanadi va mijozdan to'lov olingandan so'ng, buyurtma yakunlanganidan keyin ko'pi bilan 24 soat ichida to'lanishi shart. Muddatida to'lanmasa, agentning yangi buyurtma qabul qilishi to'xtatiladi, xizmatlari ro'yxatlardan yashiriladi va reytingi pasaytiriladi. Takroriy holatlarda agent hamkorlikdan chetlatiladi va qarzni undirish choralari ko'riladi.

15. Bot ichidagi chat va kontakt ulashish

Mijoz va agent o'rtasidagi barcha muloqot bot ichidagi chat orqali olib boriladi. Telefon raqami, username, ijtimoiy tarmoq havolalari va boshqa kontaktlarni ulashish taqiqlanadi, bunday xabarlar yetkazilmaydi. Takroriy urinishlar reytingning pasayishiga va hisobning cheklanishiga olib keladi. Chat xabarlari buyurtma yakunlanganidan keyin 90 kun saqlanadi va faqat nizo ochilganda administratsiya tomonidan ko'rib chiqiladi.

16. Baholash va nizolar

Buyurtma yakunlangach, mijoz va agent bir-birini baholaydi. Reyting agentga keladigan buyurtmalar soniga ta'sir qiladi. Ish sifati, muddat yoki to'lov bo'yicha kelishmovchilik bo'lsa, istalgan tomon chatdagi "Admin" tugmasi orqali nizo ochishi mumkin. Administratsiya chat yozishmalari va topshirilgan ishni ko'rib chiqib, qaror chiqaradi. Mijoz to'lovni bevosita agentga amalga oshirgani sababli bot bu mablag'ni qaytarish majburiyatini olmaydi, biroq qoidani buzgan agentga nisbatan choralar ko'riladi: reyting pasaytiriladi, hisob bloklanadi yoki agent hamkorlikdan chetlatiladi.

17. Talabalar uchun AI xizmatlari

"AI orqali tayyorlash" bo'limidagi materiallar (prezentatsiya, referat, mustaqil ish, esse, tarjima va boshqalar) foydalanuvchi bergan ma'lumotlar asosida sun'iy intellekt tomonidan avtomatik tayyorlanadi. Materiallarda faktik xatolar yoki noaniqliklar bo'lishi mumkin, shuning uchun foydalanuvchi materialni topshirishdan oldin tekshirib chiqishi kerak. Materiallar o'quv yordamchisi sifatida beriladi; ulardan foydalanish va ta'lim muassasasi talablariga rioya qilish uchun foydalanuvchining o'zi javobgar. Har bir buyurtma uchun bir marta bepul tahrir beriladi, bunda foydalanuvchi o'zgartirilishi kerak bo'lgan qismni ko'rsatadi; keyingi tahrirlar pullik. Tayyor material yuborilgandan keyin buyurtma puli qaytarilmaydi. Texnik nosozlik sababli material yuborilmasa, mablag' balansga qaytariladi. Bitiruv malakaviy ishi va dissertatsiya faqat "Mutaxassis orqali" bajariladi.

18. Talabalar xizmatlarida birinchi buyurtmalar chegirmasi

Yangi foydalanuvchi "AI orqali tayyorlash" bo'limidagi birinchi 3 ta buyurtmasiga 50% chegirma oladi. Chegirma bitta Telegram akkaunt va bitta telefon raqamiga bir marta beriladi va boshqa chegirmalar bilan qo'shilmaydi. "Mutaxassis orqali" buyurtmalarga chegirma qo'llanmaydi. Bir nechta akkaunt orqali chegirmadan qayta foydalanishga urinish aniqlansa, chegirma bekor qilinadi.

19. "Mutaxassis orqali" buyurtmalar

"Mutaxassis orqali" bo'limidagi buyurtmalarni biznes bo'limining tegishli ijrochilari mijozning xohishiga ko'ra bajaradi. Narx va muddat ijrochi bilan bot ichidagi chatda kelishiladi. Bu buyurtmalarga "Biznes egalari uchun xizmatlar", "Agent depoziti va komissiya" hamda "Baholash va nizolar" bandlari amal qiladi. Chegirmalar qo'llanmaydi.

20. AI yordamchi

Qo'llab-quvvatlash bo'limida sun'iy intellekt asosidagi yordamchi ishlaydi. Loyiha qo'llab-quvvatlash akkauntiga yozilgan xabarlarga ham AI avtomatik javob berishi mumkin. Yordamchi ma'lumot beradi va murojaatni administratorga uzatadi, lekin pul qaytarish, balansni o'zgartirish yoki buyurtmani bekor qilish bo'yicha qaror qabul qilmaydi. AI javoblari ma'lumot uchun beriladi, yakuniy qarorni administratsiya qabul qiladi. Xizmat sifatini yaxshilash maqsadida suhbatlar saqlanadi.

21. Buyurtma bekor qilinganda mablag'ni qaytarish

Avtomatik xizmat bo'yicha buyurtma provayder tomonidagi sabab (mablag' yetishmasligi, texnik nosozlik, rad etish) tufayli bajarilmasa, buyurtma bekor qilinadi va to'langan summa to'liq hajmda foydalanuvchining bot balansiga qaytariladi. Bu haqda foydalanuvchiga xabar yuboriladi. Bot balansidagi mablag' bank kartasiga qaytarilmaydi, undan botdagi boshqa xizmatlar uchun foydalanish mumkin.

22. Bepul sovg'alar

Xush kelibsiz sovg'asi botning uchta Instagram sahifasiga obuna bo'lgan foydalanuvchiga beriladi. Kunlik bonus 20 ta vazifa bajarilgach beriladi: har bir vazifada berilgan izoh matni foydalanuvchi tanlagan Instagram videosi ostiga yoziladi, har safar boshqa videoga. Bajarilganlik skrinshotlar orqali sun'iy intellekt tomonidan avtomatik tekshiriladi. Sovg'a sifatida bot nomidan 15 yoki 25 Stars'lik Telegram sovg'asi yuboriladi. Xush kelibsiz sovg'asi bitta Instagram akkaunt va bitta telefon raqamiga bir marta, kunlik bonus kuniga bir marta beriladi. Soxta, tahrirlangan yoki boshqa birovning skrinshotidan foydalanish, bir nechta akkaunt ochish sovg'adan mahrum qilish va bloklashga olib keladi. Sovg'alar soni cheklangan; administratsiya aksiya shartlarini o'zgartirish yoki to'xtatish huquqiga ega.

23. Botdan yuboriladigan sovg'alar

Telegram sovg'alari, Stars va Premium obunalar bot nomidan yuboriladi. Izoh yozilmasa, sovg'aga bot haqidagi qisqa matn qo'shiladi. Qabul qiluvchini to'g'ri tanlash uchun foydalanuvchi javobgar. Noto'g'ri foydalanuvchiga yuborilgan sovg'a qaytarilmaydi.

24. Sodiqlik dasturi

Bot balansi orqali amalga oshirilgan xaridlarning jami summasiga qarab foydalanuvchiga daraja va doimiy chegirma beriladi. Bekor qilingan va qaytarilgan buyurtmalar hisobga olinmaydi. Biznes xizmatlariga va administratsiya belgilagan ayrim xizmatlarga chegirma qo'llanmaydi. Administratsiya darajalar shartlarini oldindan e'lon qilgan holda o'zgartirish huquqiga ega.

25. To'lov cheklari

Click, Payme va Uzum orqali amalga oshirilgan har bir to'lov uchun bot PDF chek yuboradi. Cheklar va to'lov tarixi "Hisobim" bo'limida saqlanadi.

26. Ommabop xizmatlar (ijtimoiy tarmoqlar)

Obunachi, ko'rish, layk va shu kabi xizmatlar ijtimoiy tarmoqlarning qoidalari va algoritmlariga bog'liq, shuning uchun buyurtma bajarilgandan keyin ko'rsatkichlar kamayishi mumkin. Kafolatsiz xizmatlarda kamayish uchun javobgarlik olinmaydi va mablag' qaytarilmaydi. Kafolatli xizmatlarda tavsifda ko'rsatilgan kafolat muddati ichida kamaygan ko'rsatkichlar foydalanuvchi murojaati asosida qayta to'ldiriladi. Buyurtma davomida sahifa ochiq (public) bo'lishi kerak; yopiq sahifa yoki noto'g'ri havola tufayli bajarilmagan buyurtma uchun javobgarlik olinmaydi.

Qanday boshlash

1

Botga /start yuboring.

2

Shu qoidalarni o'qib chiqing.

3

Botda «Roziman» tugmasini bosing — shundan keyin hisobingiz ochiladi.

4

Til va valyutani tanlang, kanallarga obuna bo'ling va telefon raqamingizni tasdiqlang.

Muhim. Qoidalar administratsiya tomonidan oldindan ogohlantirmasdan yangilanishi mumkin. Botdan foydalanishda davom etish — yangilangan qoidalarga rozilik hisoblanadi.
Savolingiz bormi? @uzshff  · Botni ochish